„Важно е да ги отклучиме економските инвестиции во Украина. Тоа е работа број еден за Украина и Алијансата, но тоа е само дел од пакетот што го составивме“, изјави Блинкен во Вашингтон на Самитот на НАТО.
Тој рече дека „во овој момент“ пратката борбени авиони Ф-16 обезбедени од Данска и Холандија оди во Украина.
„Тие ќе летаат над Украина веќе ова лето“, изјави Блинкен.
Тој посочи дека за него успех е независна и силна Украина, интегрирана во НАТО и Европската Унија и која „стои на свои нозе и на економски и на демократски план“.
„Украина е на тој пат. Имаме обемен пакет кој го гради мостот на Украина кон НАТО“, изјави Блинкен.
Секретарот оцени дека економската траекторија на Украина е во „критична“ состојба, бидејќи Украина има капацитет да управува со одбранбена индустрија за себе и за другите, но дека „физичките инвестиции“ мора да бидат заштитени.
Лидерите на НАТО се собраа на самитот во Вашингтон, каде што на 9, 10 и 11 јули Алијансата ја слави 75-годишнината од основањето.
