Бајден ги победи другите демократски кандидати, како и претставникот на Минесота, Дин Филипс и авторката Маријана Вилијамсон.
„Во 2020 година, гласачите на Јужна Каролина беа тие што докажаа дека експертите грешат. Тие вдахнаа нов живот во нашата кампања и нè ставија на патот кон освојување на Белата куќа. Оваа година граѓаните на Јужна Каролина повторно проговорија и нема сомнеж дека нè поставија на патот да го направиме Доналд Трамп повторно губитник“, се вели во соопштението на Бајден.
Асошиејтед прес известува дека кампањата за реизбор на Бајден инвестираше многу во зголемување на излезноста и напорите за мобилизирање на Афроамериканците, демократски блок критичен за шансите на Бајден во веројатниот ноемвриски реванш против поранешниот претседател Доналд Трамп. Јужна Каролина е сигурно републиканска, но 26 отсто од нејзините жители се Афроамериканци.
На општите избори во 2020 година, афроамериканските гласачи сочинуваа 11 отсто од националното гласачко тело, 9 од 10 од нив го поддржаа Бајден, според опширната анализа на минатите избори, според Асошиејтед прес.
