На прашањето на новинарот на Еј-би-си дали би ја отфрлил можноста за помилување на Хантер Бајден, американскиот претседател рече: „Да“.
Тој, исто така, потврди дека го прифаќа исходот од судењето, кое моментално се одвива во Делавер, пренесува Си-ен-ен.
Белата куќа претходно објави дека Бајден нема да го помилува својот син.
„Бев многу јасна; претседателот нема да го помилува својот син“, изјави во декември прес-секретарката Карин Жан-Пјер.
Хантер Бајден е обвинет за нелегално купување и поседување оружје додека злоупотребувал или бил зависник од дрога, што е кршење на федералниот закон.
