„Ќе го објавиме тоа наскоро, но самото патување во Ирска го зајакна моето чувство на оптимизам за тоа што може да се направи“, изјави Бајден на новинарите на крајот од своето патување во Ирска.
Иако многу од поддржувачите на Бајден не се сигурни дали 80-годишниот претседател, еден од најстарите лидери во светот, навистина е способен да се обврзе на втор четиригодишен мандат во Белата куќа, блиските соработници и сојузниците, далеку од очите на јавноста, веќе почнаа да преземаат чекори за воспоставување инфраструктура за кампањата и прибирање на финансиски средства.
На крајот од вториот претседателски мандат, Бајден би имал 86 години, што е девет години повеќе од просечниот животен век на мажите во САД.
