Активни се уште два пожари, еден под контрола, другите се изгаснати, информира ЦУК

„Активен е пожарот во Македонски Брод кај село Тажево, крак кон Белица и кон Јасен, каде гори борова шума, како и пожарот на планината Серта на територија на Општина Штип, кај селата Хаџи Хамзали и Цршка кон Криволак каде е зафатена ниска вегетација. Под контрола е ставен пожарот кај Демир Хисар на Илинска Планина, меѓу селата Слоештица, Брежани и Плаќе со кој била зафатена ниска вегетација“, информираа од ЦУК.