Сепак, тој истакна дека сигналите од Соединетите Американски Држави се „силни, но различни“ и додаде дека се потребни понатамошни разговори со американскиот потпретседател Џеј Ди Венс, со кој треба да се сретне денес.
По пристигнувањето на Минхенската безбедносна конференција, Зеленски веднаш одговараше на прашања за иднината на Украина. повтори дека Украина сака да биде членка на НАТО и дека никогаш нема да ги признае окупираните територии како дел од Русија.
„Никогаш нема да ги признаеме окупираните територии како руски“, кажа Зеленски. „Да, сакаме да бидеме во НАТО. Веруваме во безбедносните гаранции на НАТО. Мислам дека тоа е најевтината опција за сите“, оцени тој, истакнувајќи дека „Европа мора да застане со Украина“ поради сопствената безбедност.
Зборувајќи за нападот во Чернобил, Зеленски тврдеше дека руски дрон извел „многу опасен напад“ на нуклеарната централа, што Кремљ го негира. Тој кажа дека дронот тврдел прениско за да биде откриен со радари и оцени дека нападот бил намерно темпиран на почетокот на конференцијата во Минхен.
„(Рускиот претседател Владимир) Путин дефинитивно не сака мир“, оцени Зеленски, додавајќи дека „разузнавачки податоци“ покажуваат дека Русија се подготвува за војна против НАТО следната година.
