Регионалните лидери на состанокот во главниот град на Нигерија Абуџа изјавија дека казнените мерки против новите воени лидери на Нигер може да вклучуваат финансиски и патни санкции и зона на забранети летови.
Министрите за одбрана на ЕКОВАС ќе се сретнат веднаш, а постои можност за воена акција, се наведува во соопштението. ЕКОВАС, исто така, ја осуди поддршката дадена на пучистите од страна на некои странски земји и воени платеници.
Овонеделниот пуч во Нигер го осудија соседните земји и меѓународните партнери, вклучувајќи ги САД, Обединетите нации, Африканската унија, Европската унија и поранешниот колонијален господар Франција.
Но, шефот на руската платеничка група Вагнер го пофали пучот и на новата влада ѝ понуди услуги. Пучистите во Нигер претходно го предупредија светот да не интервенира воено.
