вторник, 16 јули 2024

За 24 часа регстирани се девет пожари и сите се изгаснати

Од девет активни пожари на отворено евидентирани изминатото деноноќие сите се изгаснати, соопштија утрово од Центарот за управување со кризи (ЦУК).

Објавено на

часот

Сподели

Во изминатите 24 часа, ѓубре горело во општина Гази Баба, како и во Карпош, каде горела и сува трева. Огнени јазици зафатиле сува трева и грмушки крај стариот пат за Арачиново. Стрниште горело во село Копаница, општина Сарај. Опожарено ѓубриште имало во општините Битола и Струга – во село Габалавци и во реон кон граничниот премин Ќафасан. Во општина Свети Николе, кај селото Горобинци изгореле грмушки и сува трева, нискостеблеста шума и помошен објект. Пожар на стрниште е регистриран во општина Кочани, кај село Облешево. Сува трева горела во општина Куманово, кај населбата Диво Насеље.

„Во последното деноноќие имало вкупно 1.975 повици на единствениот повикувачки број за итни случаи – 112 во ЦУК. Од нив, реални повици биле 55,75 отсто, а 44,25 проценти биле за други потреби на граѓаните, што не биле итни. Кон полиција биле упатени 61,47 проценти, кон Итната медицинска помош – 24,36 отсто, кон пожарникарите – 4,81 процент, а кон АМСМ – 0,29 отсто од реалните повици кон 112 во ЦУК“, се наведува во соопштението.

ТОП ВЕСТИ

ПОСЛЕДНИ ВЕСТИ