По воената вежба на која претходно оваа недела беше прикажан дел од новото оружје на вооружените сили, тој во интервју за ТВ Прва рече дека во однос на огнената моќ и човечките ресурси, вооружените сили на Србија денес се 12 пати повеќе од она што го имаа пред 10 години.
Од САД се купени 118 Хамери, досега се пристигнати 66 од нив и ќе бидат вооружени со домашно оружје, од Кина се купени беспилотни летала ЦХ-3, домашното воздухопловство е „вооружено до заби“, рече Вучиќ.
„Нашите инвестиции се огромни, но не сакам да зборувам за тоа“, додаде тој, нагласувајќи дека Србија се одлучила за воена неутралност, но мора да биде фактор за одвраќање на сите.
„Кој ќе одлучи да ја нападне Србија денес, ќе мора да плати повисока цена отколку во 1999 година, особено на копно“, рече Вучиќ, алудирајќи на бомбардирањето на Србија од страна на НАТО, кое стави крај на српско-албанскиот конфликт на Косово.
Вучиќ посочи дека Србија и НАТО денеска имаат добра соработка, професионален и коректен однос.
