„Владината одлука претставува значаен пресврт за нашата младина и за иднината на Албанците. Коалицијата Вредии не зборува празни зборови како нашите претходници, кои освен со лажење и крадење каде што можеа, ја оставија нашата младина и без перспектива“, велат од Вреди.
Од коалицијата додаваат дека не станува збор само за нова зграда.
„Универзитетот е монумент на нашата посветеност кон образованието и развојот на идните генерации. Цели генерации сонуваа за ваков едукативен центар кој ќе го збогати не само знаењето, туку и духот на целата нација. Сега, тој сон станува реалност, создавајќи огниште на знаење и иновации за идните генерации. Оваа инвестиција, иницирана од коалицијата Вреди, е силен доказ за нашата посветеност да обезбедиме најдобри можности за образование и личен развој на нашата младина.
Убедени сме дека овој кампус ќе стане главен центар на интелектуален развој и иновации, создавајќи оптимални услови за научни истражувања и академска подготовка на највисоко ниво. Коалицијата Вреди ќе продолжи со посветена работа за да донесе проекти кои го збогатуваат образованието и ги зајакнуваат темелите на успешна иднина за сите граѓани на Република Северна Македонија. Оваа значајна инвестиција е само еден од чекорите кои ги преземаме кон реализација на оваа голема визија“, се вели во соопштението на Вреди.
