„Законот за научно-истражувачка дејност предвидува дека единиците на локалната самоуправа (општините) имаат право да финансираат научно-истражувачка дејност, во членот 49 став (1): Средствата за финансирање на научно-истражувачката дејност се обезбедуваат од Буџетот на Република Северна Македонија согласно со целите и приоритетите утврдени во Националната програма, како и со развојните програми од јавен интерес за Република Македонија и од други извори: меѓународните програми и фондови, единиците на локалната самоуправа…“, вели Фарук Невзати, секретарот на Општина Чаир, Фарук Невзати.
Градоначалникот на Липково од редовите на ДУИ, Еркан Арифи, истакна дека тие воопшто не биле запознаени со ваквата идеја на колегите од Вреди. Од партијата претходно истакнаа дека академијата била првично презентирана како тело на национално ниво и нема да дадат поддршка за невладина организација.
„Ние не ни знаеме каков е предлогот, а немаше ниту јавна дебата и не можеме да одлучиме за нешто што не знаеме за што се работи. Работите треба да се гледа да се решат на ниво на држава, а не на локално ниво“, вели Еркан Арифи.
Вреди за оваа иницијатива не доби поддршка ни од владиниот партнер ВМРО-ДПМНЕ, а социјалдемократите информираа дека нивните советници во четирите општини нема да гласаат за буџетите за наредната година.
Неодамна градоначалникот на Тетово, Биљал Касами кажа дека за правниот статус на академијата ќе се дискутира со коалициските партнери. Од Вреди очекуваат дека академијата ќе профункционира наредната година.
