„Раководството на криминализираната ДУИ продолжува да живее во паралелен свет. Потценувајќи го албанскиот народ, тие се обидуваат да се претстават како политички жртви на ВМРО-ДПМНЕ, СДСМ и ВЛЕН. Ова е тешка демагогија. Мнозинството Албанци гласаа за промена на 8 мај, што, меѓу другото, значи кривична одговорност за сите што се збогатуваа на грбот на граѓаните во овие 22 години режим. Целта на албанската опозиција е по секоја цена да биде спречено целосното нивно разобличување пред јавноста. Затоа не случајно рековме дека треба да се преименуваат во Недемократска унија за дезинтеграција“, велат од ДУИ во нивното соопштение.
Од Вреди велат дека „мувлата“ на ДУИ ја има во државните институции и објаснува, како што е наведено во соопштението, како таа функционира.
„Мувлата на ДУИ во државните институции има добиено наредба да ја опструира на секој можен начин работата на новата влада. По 22 години режим, тие оставија свои послушници во правосудството, дипломатијата, безбедносните служби, ресорните министерства, државните институции и медиумите. Нивната деструктивна агенда вклучува обиди за нарушување на билатералните односи со Косово, Бугарија, Грција, со цел да го попречат нашиот пат кон ЕУ. Тие преку своите инсталации поставуваат пречки во системот за да ја спречат испораката на правдата, а нивните мегафони се задолжени да создаваат хистерија“, пишува во реакцијата на Вреди.
Од оваа колацијата додаваат дека некои работи не ги предвиделе во нивното соопштение во Мала Речица.
„Албанскиот народ одамна ги има прочитано и веќе не паѓа на нивните трикови. Нивната исплашена структура, уште во првите два месеци од формирањето на новата влада, ги нуди своите услуги на коалицијата Вреди. Коалицијата Вреди го избра потешкиот пат и нема да ја прибере мувлата на ДУИ.
Вреди е создадена како рефлексија на потребата на мнозинството Албанци кои бараат опција сосема спротивна од ДУИ. Ќе продолжиме да градиме автентична политичка доктрина, која ја спроведува,е преку нова и модерна коалициска структура со обврска да ги решаваме проблемите на граѓаните и да обезбедиме сигурна иднина за Албанците. Ваквото изолирано, програмски и кадровски нереформирано ДУИ е политичко минато“, се вели во соопштението на Вреди.
