„Нашата генерација има историска должност да се справи со ендемичната политичка корупција и да преземе решителни чекори кон реформи кои ќе ги вратат капацитетите на уништените државни институции. Само преку транспарентност, одговорност и посветеност кон заедничкото добро, ќе можеме да обезбедиме иднина што ќе биде светла за сите наши граѓани, без разлика на етничката припадност.
На овој важен ден, коалицијата Вреди ги повикува сите граѓани и политички чинители да го негуваат духот на единство, толеранција и соработка. Само така ќе продолжиме да го градиме општеството што го заслужуваме – општество на еднакви права, можности и стабилност. Нека ни е честит 8-ми септември, Денот на независноста на Република Северна Македонија!“, порачуваат од Вреди.
