„Криминализираното раководство на ДУИ се обиде да издејствува Блерим Рамадани да биде екстрадиран во Србија за да креира тензии и да ја обвини Вреди за предавство, и сега му сервира лажни информации на СДСМ.
И така очајот за медиумско внимание си го прави своето. Тие мислат дека со вакви наводно бомбастични приказни ќе ја покријат внатрешната слабост. Затоа им порачуваме на СДСМ и ДУИ да не се однесуваат по онаа народната ‘гладна кокошка просо сонува’! Нека ја почекаат конечната одлука на судовите за екстрадицијата пред да изнесуваат небулози. И може да бидат целосно сигурни дека владината коалиција не може да ја раздрмаат структури до гуша заглавени во политичка корупција кои се во паничен страв од кривична одговорност“, соопшти Вреди.
