сабота, 20 јули 2024
Судиска анализа

Воска била драстично оштетена во Струга

Судиската комисија ги разгледа спорните моменти од синоќешните два натпревари кои се играа во рамките од Првата македонска фудбалска лига.
 

Објавено на

часот

Сподели

Вчера се играа дуелите Струга – Воска и Силекс – Вардар, мечеви кои претходно беа одложени поради снегот.

Судиската анализа за овие два меча вели дека судијата Игор Стојчевски драстично ја оштетил Воска на гостувањето во Струга и му подарил победа на домаќинот.

Воска во 96. минута не добила чист пенал, а во следната минута била досудена најстрога казна за Струга иако немало прекршок за такво нешто. Токму од тој пенал домаќините го добија мечот со 1-0.

90+6 минута: ПОГРЕШНА ПРОЦЕНКА НА ГЛАВНИОТ СУДИЈА (За недосуден пенал за гостинската екипа, при резултат 0:0)

Играч на гостинската екипа додаде топка до свој соиграч пред линијата на 16-сетникот на домашната екипа, играчот на гостите се загради на коректен начин со телото и противничкиот играч кој беше до него се одби од телото и падна, но при паѓањето домашниот играч во својот 16-сетник направи невнимателен и недозволен старт на нозете на играчот на гостинската екипа.

Погрешна одлука на главниот судија што досуди слободен удар за домашната екипа бидејки градењето со тело на гостинскиот играч беше коректно и без недозволено движење од негова страна, во оваа ситуација главниот судија требаше да досуди пенал за гостинската екипа поради невнимателен и недозволен старт на домашниот играч над противничкиот играч.

90+7 минута: ПОГРЕШНА ПРОЦЕНКА НА ГЛАВНИОТ СУДИЈА (За досуден пенал за домашната екипа, при резултат 0:0)

На една топка во 16-сетникот на гостинската екипа која не беше во ничив посед стартуваа два противнички играчи, играчот на домашната екипа прв со глава ја удри топката и дојде до минимален контакт со телото на противнички играч, топката се одби и дојде до друг играч од домашната екипа кој пред себе имаше противнички играч и кога сакаше да го помине играчот, дојде до минимален контакт (не прави движење) со ногата на гостинскиот играч и играчот на домакините падна.

Погрешна одлука на главниот судија што досуди пенал за домашната екипа, бидејки и во двете ситуации контактите беа минимални и недоволни за да се досуди пенал.

Целосната фудбалска анализа можете да ја видите на овој ЛИНК.
 

ТОП ВЕСТИ

ПОСЛЕДНИ ВЕСТИ