Израел во своето планирање наводно ги зема предвид настојувањата да се достави хуманитарна помош во Газа, како и дипломатските напори да се ослободат заложниците кои ги држи Хамас, пренесува весникот. Заканите кон американската војска се причина за голема загриженост, се наведува.
Вашингтон дава сè од себе за да испрати десетина системи за противвоздушна одбрана, главно за својата војска, во Ирак, Јордан, Кувајт, Саудиска Арабија, Сирија и Обединетите Арапски Емирати, објави Волстрит џурнал. Американската војска и други функционери веруваат дека милитантните групи ќе ги целат нивните сили во моментот кога Израел ќе ја почне копнената инвазија на палестинската територија.
Ројтерс јави дека Вашингтон го советувал Израел да го одложи копнениот напад на Појасот Газа и да го информира Катар, кој посредува со палестинските милиции, за тие преговори, имајќи предвид дека се труди да ослободи што е можно повеќе заложници и да се подготви за можна поширока регионална војна.