„Тој беше начекан во една куќа за која имавме информации дека повремено ја посетува. Фатен е на спиење, не пружал отпор“, кажа Дачиќ. Тој додаде дека Балијагиќ имал две пушки.
„Една ловечка пушка сачмарка и друга, ловечки карабин, преработен од воена пушка поповка. Апсењето е извршено на многу непристапен терен по снег од 40 сантиметри. Лицето е одведено во полициска станица во Пријепоље“, кажа Дачиќ.
Полицијата по Балијагиќ трага од октомври откако во селото Соколац убил две лица. Балијагиќ убил брат и сестра наводно откако претходно ручал во нивната куќа.
