Меѓу загинатите има и пет лица кои минувале покрај кафулето кога експлодирал паркираниот автомобил, рече портпаролот, додавајќи дека од силината на експлозијата е предизвикана сериозна штета на околните згради.
Првично било нејасно дали во возилото имало бомбаш-самоубиец и дали други вооружени лица биле вклучени во нападот, рече портпаролот.
Инспекторите велат дека бројот на загинати може да се зголеми.
🚨 HUGE EXPLOSION IN BOONDHEERE MOGADISHU
Al Shabab have attacked and bombed a Cafe filled with Somalis watching the European championships between England and Spain in Daljirka Daahsoon
Many casualties are expected
Subxaanalaah pic.twitter.com/8GNlt5LzS0
— 🇸🇴 (@Kooshinnnn) July 14, 2024
По нападот, во кафулето, кое е популарно меѓу државните службеници, завладеела паника.
Ниту една група сè уште не ја презела одговорноста за нападот.
Бомбашкиот напад ги врати сеќавањата на терористичкиот напад за време на Светското првенство во 2010 година од страна на радикалната исламистичка милиција Ал Шабаб во Уганда. Тогаш таа сомалиска терористичка група постави бомби на локација во Кампала каде што стотици луѓе се собраа да го гледаат финалето на Светското првенство. Во тој напад загинаа 74 лица.
Ал Шабаб, терористичка милиција поврзана со Ал Каеда, се спротивставува на фудбалот, тврдејќи дека е против нивната религија, а неодамна се обиде да изврши напад за време на фудбалски турнир на локалниот стадион во Могадишу.
