Џејмс Барбер беше погубен во затворот Холман во Атмор, изјави државниот обвинител Стив Маршал во изјавата.
Тој беше осуден во Алабама во 2003 година за претепување до смрт на 75-годишната Дороти Епс со чекан за време на грабеж две години претходно. Гувернерот на Алабама прогласи привремен мораториум на егзекуциите минатата година, по проблемите со смртоносните инјекции и нареди ревизија на процесот на инјектирање.
Во третиот случај на неуспешна егзекуција, службените лица не успеале да му дадат инјекција на осудениот пред истекот на предвиденото време.
Републиканската гувернерка ја укина суспензијата откако Одделот за затвори вклучи медицински експерти, набави нова опрема и спроведе испитувања.
Барбер е првиот затвореник погубен во Алабама по укинувањето на мораториумот на егзекуциите во февруари.
Правните и етичките прашања изронија околу смртната казна во Соединетите Држави по неколку неуспешни смртоносни инјекции во последниве години.
Бројот на егзекуции во таа земја е драстично намален од 1999 година, кога беа извршени рекордни 98.
