За да одиме напред мора да знаеме факти за минатото. За да одиме напред мора да знаеме што ни остави претходната Влада на СДС и ДУИ, тврдат од ВМРО-ДПМНЕ.
„Каква држава остави владата предводена од СДС? Држава која тоне во корупција и криминал, скандалозни тендери, руинирани институции, Македонија на дно во регионот по сите параметри и што уште не, листата е долга. Во низата скандалозни тендери се и оние на Македонски железници и Државни патишта. Станува збор за тендери за пругата кон Бугарија и патот Прилеп – Градско. Станува збор за најскап тендер за пругата кон Бугарија која завршува во тунел без излез, а вредноста е зголемена за 220 милиони и изнесува 560 милиони евра наместо првично предвидените 340 милиони евра“, велат од ВМРО-ДПМНЕ.
Оттаму тврдат дека таквиот начин на работа, останува во минатото.
„Неспособноста завршува со нив, работиме 100 проценти одговорно за твојата иднина!“, велат од ВМРО-ДПМНЕ.
