Вардар освои три многу значајни бода во битката за опстанок, а мечот против Шкупи не почна најдобро за црвено-црните.
Канда во 10. минута донесе водство за Шкупи од 1-0, но до крајот на полувремето Вардар успеа да го сврти натпреварот во своја полза.
Закариќ погоди од слободен удар, а на пет минути до крајот Николовски реализираше за 2-1.
Во вториот дел Шкупи тргна кон израмнување и тоа се случи во 76. минута кога Ибиши постигна гол за 2-2.
Но само седум минути подоцна капитенот на Вардар, Дарко Мицевски се најде на вистинското место, даде гол за победа на Вардар од 3-2.
Струга со гол на Кехинде во првото полувреме го победи Работнички со 1-0. Тимот од Дебар Маало падна на четвртата позиција.
Интересно беше во Тетово, во најефикасниот денешен меч Шкендија ја совлада Брера со 4-3.
Силекс со 1-0 го победи Пелистер, Гостивар беше најубедлив и со 4-0 славеше над Воска, Тиквеш и Беса одиграа реми без голови.
Резултати:
Вардар – Шкупи 3-2
Струга – Работнички 1-0
Шкендија – Брера 4-3
Силекс – Пелистер 1-0
Гостивар – Воска 4-0
Тиквеш – Беса 0-0
Табела: Шкендија 27, Гостивар 27, Силекс 27, Работнички 25, Струга 25, Шкупи 16, Пелистер 16, Брера 15, Беса 13, Воска 11, Вардар 11, Тиквеш 10.
