среда, 24 јули 2024

Вандализирани детски игралишта во Капиштец , Водно и Дебар Маало

Во текот на изминатите денови непознати сторители уништиле дел од урбаната опрема во Капиштец , Водно и Дебар Маало, се пожали преку соопштение градоначалникот на Центар, Горан Герасимовски и наведува дека ноќе на клупите се собираат млади лица, се пие и се крши.

Објавено на

часот

Сподели

Градоначалникот ги повикува поединците кои ја уништуваат урбаната опрена да престанат да го прават тоа, а граѓаните да ги пријавуваат оние кои ќе ги затекнат во вакви дејства.

„На годишно ниво Општина Центар извојува од 3 до 5 милиони денари за оштетена јавна опрема. Наместо овие средства да бидат искористени за нови детски игралишта на локации каде сега ги нема. Воедно уништената урбана опрема значи, недостаток на место за седење во блискиот парк, простор за оддишка на пензионерите или мајките со деца, помалку лулашки или лизгалки во детските паркови и игралишта. Уништената урбана опрема е лицето на нашето однесување и сликата за нашата свест“, вели Герасимовски.

Тој го поставува прашањето: Каде одиме?

„Штетата што се прави на јавно-прометните површини е во количини што не се за потценување затоа апелирам до сите оние поединци или група вандали да не ја уништуваат урбаната опрема и истовремено замолувам граѓаните кои ќе забележат несоодветно однесување и уништување на јавното добро да го пријават во полициска станица“, посочува Герасимовски.

Општина Центар ги известува граѓаните дека во ноќните часови детските игралиште се користат како места за собирање и консумирање алкохол, а наутро општинските служби чистат искршени стаклени шишиња и срчи. Општина Центар апелира за внимание и од страна на родителите за постапките и однесувањето на своите деца.

Општина Центар потсетува дека уништувањето на урбаната опрема претставува прекршочно дело за што следуваат казни од надлежните институции.

„Со цел да го заштитиме јавното добро градоначалникот Герасимовски ги повикува граѓанските организации, месните и урбаните заедници да се вклучат во подигањето на свеста за зачувување на урбаната опрема, како и да се вклучат во конкретни активности кои ќе придонесат за подобрување на актуелната состојба. Сите имаме одговорност да ја чуваме околината и јавните добра“, наведува Општина Центар во соопштението.

ТОП ВЕСТИ

ПОСЛЕДНИ ВЕСТИ