Ван Перси оваа сезона дебитира како самостоен тренер, а негов прв клуб кој го води е Херенвен.
Дали ќе има успешна тренерска кариера или не, ќе покаже времето, но викендов имаше катастрофален ден.
Неговиот тим доживеа тежок дебакл на гостувањето кај АЗ Алкмар каде загуби со 9-1. Тоа е највисокиот пораз на овој клуб во историјата.
„Знам како функционира ова, имам големо искуство. Исто така загубив со 8-2 од Манчестер јунајтед како фудбалер на Арсенал. Тоа воопшто не е забавно, но се случува во фудбалот. Ова треба да ни послужи како поука. Ова е дел од нашиот пат да станеме најдобра верзија од себе“, рече Ван Перси по натпреварот.
„Тешко е да се проголста. Се добиваат тешки удари во кариерата, овој е многу тежок. Научивме неколку лекции за само 90 минути, научивме многу повеќе од што треба да научите од еден меч. За жал, ова е фудбалот. За да станете најдобар, треба да се кренете и да продолжите напред после првата препрека“.
По четири одиграни кола, Херенвен има освоено четири бода.
