четврток, 25 јули 2024

Уругвај со перфектен учинок до четвртфиналето, САД го заврши настапот на Копа Америка (ВИДЕО)

Уругвај со 1-0 го совлада САД и со максимални девет бода оди меѓу осумте најдобри на турнирот, таму ќе биде и Панама која со 3-1 беше подобра од Боливија.

Објавено на

часот

Сподели

Селекцијата на САД уште во минатото коло кога загуби од Панама беше на работ на амбисот, а сега само ги снема и теоретските шанси за пласман понатаму.

Уругвај со трет триумф во групната фаза го завери местото во четвртфиналето. Овојпат победата беше минимална од 1-0.

Стрелец на голот беше Оливера во 66. минута од натпреварот.

Место во нокаут фазата заработи и Панама која клучната победа ја оствари во минатото коло против САД, а денеска со триумф од 3-1 над Боливија само го завери билетот.

Фахардо во 22. минута донесе водство за Панама, Бруно Миранда во 69. го изедначи резултатот на 1-1.

Десет минути подоцна Гереро ја врати предноста на Панама, а Јанис во судиското продолжение ги постави конечните 3-1.

ТОП ВЕСТИ

ПОСЛЕДНИ ВЕСТИ