Унгарија е главната пречка за приемот на Шведска во НАТО откако турскиот претседател Реџеп Таип Ердоган во понеделникот го поднесе во турскиот парламент протоколот со кој го одобри приемот.
Владејачката партија Фидес, која ја води премиерот Виктор Орбан, која има апсолутно мнозинство во унгарскиот парламент, до одолговлекува гласањето за кандидатурата на Шведска од јули 2022 година.
Пратениците на Фидес го блокираа денес предлогот за закажување на гласањето, кажа Агнеш Вадаи, пратеничка на унгарската опозициска Демократска коалиција и поранешна државна секретарка во министерството за одбрана.
Следниот можен пат за гласање за ратификацијата ќе биде на седницата на парламентот која почнува н 6 ноември, кажа таа.