„Секако не можеме да го поддржиме изборот на позицијата генерален секретар на НАТО за лицето кое претходно сакаше да ја примора Унгарија да падне на колена“, кажа Сијарто за Руте, кој е долгогодишен критичар на актуелната власт во Будимпешта, наведува Политико.
Изјавата на Сијарто доаѓа неколку дена пред средбата на унгарскиот премиер Виктор Орбан со Доналд Трамп во САД, од друга страна, Лондон, Париз и Берлин навестија дека ќе ја поддржат кандидатурата на Руте за НАТО.
Земјите од источното крило, кои се блиску до границата на Русија, не се убедени во изборот на Руте од различни причини – балтичките земји се незадоволни поради недостигот од холандска посветеност на трошење за одбраната под Руте, додека романскиот претседател Клаус Јоханис е незадоволен од долгогодишниот отпор на Холандија неговата земја да влезе во Шенген зоната.
