Украинските противвоздушни сили соопштија дека ов нападот биле вклучени осум дронови „шахид“ од иранско производство и три крстосувачки ракети кои биле соборени.
„Уште еден непријателски напад на Киев“, кажа Сергеј Попко, шефот на киевската воена управа, на Телеграм.
Три приватни куќи се оштетени откако врз нив паднале остатоци од беспилотните летала во регионот на Киев, при што едно лице е повредено, објави воениот шеф на регионот Руслан Кравченко.
Киев и околината, како и други региони од централна и источна Украина биле под тревога за воздушна опасност околу еден час по 2 часот наутро по локално време.
