На новинарско прашање за можното влегување на украинските сили на Крим, шефот на Главната разузнавачка управа на украинското Министерство за одбрана рече дека тоа ќе се случи – наскоро.
Кирило Буданов, кој разговараше за ТСН, не прецизираше датум, но рече дека тоа ќе се случи во блиска иднина.
Крим е под руска окупација од 2014 година и е клучна цел на украинската контраофанзива.
Последниве недели беа забележани повеќе напади на полуостровот – вклучително и експлозија што го оштети Кримскиот мост што го поврзува Крим со Русија.
Украинската контраофанзива беше започната на почетокот на јуни, но досега се одвива релативно бавно – иако се чини дека замавот на украинското напредување се зголеми во последниве денови.
