четврток, 25 јули 2024
Владата најде кадровски решенија за овие институции

УЈП, Царина и БЈБ добија нови директори

Нова директорка на Управата за јавни приходи е Елена Петрова, а за директор на Царинската управа е назначен Бобан Николовски.

Објавено на

часот

Сподели

Новите кадровски решенија се овие институции се назначени на денешната владина седница.

Петрова ја извршуваше функцијата дополнителен заменик-министер за финансии во техничката Влада. Таа е дипломиран економист со над 25 години искуство во Управата за јавни приходи, каде што работела на раководни позиции, вклучувајќи управник на Дирекцијата за големи даночни обврзници.

Од владината прес-служба информираат дека таа има активно учество во неколку управни одбори и поседува лиценци и сертификати, вклучувајќи обуки и соработки со Светска банка, ММФ и други меѓународни организации.

Николовски доаѓа од позицијата пратеник во македонското Собрание и има 15 години работно искуство во Царинската управа, вклучувајќи и работа како директор на ЈП „Куманово план“. Има магистратура по бизнис и поседува десетици обуки и лиценци за царинско работење.

Нов директор на Бирото за јавна безбедност е Александар Јанев кој ја презема функцијата од досегашниот директор Сашо Тасевски.

За кадровските решенија во одредени институции, како што најавија од Владата, треба да се расправа на денешната прва владина седница, но досега се уште нема информација.

Потврда за назначувањето на новиот директор има на веб страната на Министерството за внатрешни работи во делот Биро за јавна безбедност каде е ставена биографијата на новиот директор.

Според објавеното, Јанев дооаѓа од позицијата раководител во Одделот за сузбивање на организиран и сериозен криминал, а од 2018 до 2024 година работел како раководител во Одделот за општи и заеднички работи во МВР.

Има завршено средно полициско образование, Правен факултет во Скопје, а оваа година станал магистер по менаџмент на човечки ресурси.

За државен секретар во Министерството за внатрешни работи е именуван Сашо Петрушевски. Тој е доскорешен директор на Јавно претпријатие во Општина Куманово. Тој е добитник на Ноемвриска награда на Град Куманово, како и добитник на награда за најдобро работење на ЈП „Куманово Паркинг” – Куманово од Агенција „Company Wall“ Macedonia за најдобар бонитет А. Поседува повеќе сертификати и обуки за менаџирање со човечки ресурси и комуникациски техники.

ТОП ВЕСТИ

ПОСЛЕДНИ ВЕСТИ