петок, 12 јули 2024

УЕФА отвори истрага против албанскиот фудбалер Даку кој ги пцуеше Македонците

Албанскиот репрезентативец, Мирлинд Даку може скапо да го плати националистичкиот испад кој го имаше по крајот на мечот меѓу Албанија и Хрватска бидејќи УЕФА отвори истрага против него.

Објавено на

часот

Сподели

По крајот на мечот Даку на мегафон ги пцуеше Македонците. На неговиот испад имаше реакции од сите страни. Официјално реагираше и ФФМ која го осуди испадот на албанскиот фудбалер и побара од УЕФА да го разгледа случајот.

Скандалозниот гест на Даку го осуди дури и неговиот клуб Рубин Казан кој исто така напиша дека УЕФА е задолжена за евентуална санкција.

А санкција најверојатно ќе има. УЕФА и официјално потврди дека отворила истрага против Даку. Албанецот може да добие суспензија и да не заигра на следните мечеви од Европското првенство.

Покрај за Даку, УЕФА отвори истрага и за однесувањето на албанските навивачи на трибините, за нивното националистичко скандирање против Србите. Албанија ја очекува казна и по тој предмет.

ТОП ВЕСТИ

ПОСЛЕДНИ ВЕСТИ