Националната разузнавачка организација гаѓаше многу „стратегиски локации“ што ги користат Курдистанската работничка партија (ПКК) или сириските курдски трупи, јавува Анадолу. Целите вклучуваат воени, разузнавачки, енергетски и инфраструктурни објекти и складишта за муниција, се вели во извештајот.
Претходно во средата, турските воздухопловни сили извршија воздушни напади врз слични цели во северна Сирија и северен Ирак, неколку часа откако владините претставници ја обвинија ПКК за смртоносниот напад врз седиштето на воздухопловната и одбранбената компанија Тусаш.
BREAKING:
Turkey starts striking Kurdish targets in northern Syria. pic.twitter.com/qvCT0rTwDE
— Visegrád 24 (@visegrad24) October 23, 2024
Министерот за одбрана Јасар Ѓулер денеска изјави дека во воздушните напади во средата биле уништени 47 цели на ПКК, од кои 29 во Ирак и 18 во Сирија.
Од ПКК нема реакција во врска со нападите.
Во Сирија, главните курдски сили поддржани од САД изјавија дека во турските напади на северот на земјата загинале 12 цивили, а ранети се 25. Тие рекоа дека воени авиони и беспилотни летала нападнале пекари, електрани, нафтени постројки и контролни пунктови на локалната полиција.
BREAKING:
The Turkish Air Force has fired missiles at targets in Syria and Iraq pic.twitter.com/4mTOwfigS5
— Visegrád 24 (@visegrad24) October 23, 2024
Нападот дојде еден ден откако шефот на десничарската националистичка партија, која му е сојузник на турскиот претседател Реџеп Таип Ердоган, ја спомена можноста затворениот водач на ПКК да добие условна слобода доколку се откаже од насилството и ја растури својата организација.
Абдула Оџалан, кој беше фатен во 1999 година, отслужува доживотна затворска казна на затворски остров во близина на Истанбул.
ПКК се бори за автономија во југоисточна Турција во конфликт во кој загинаа десетици илјади луѓе од 1980-тите. Турција и нејзините западни сојузници ја сметаат ПКК за терористичка група.