Ракетата Фалкон 9 на Спејс Икс го однесе сателитот во вселената од комплексот за вселенско лансирање Кејп Канаверал во Флорида, САД. Турскиот претседател Реџеп Таип Ердоган изјави дека лансирањето претставува отворање на „нова фаза“ за Турција во производството на сателити.
Yerli haberleşme uydumuz Türksat 6A’yı az önce uzaya fırlattık. 🚀🇹🇷
Ülkemiz ve milletimiz açısından yeni bir gurur vesilesine daha hep beraber şahitlik ettik.… pic.twitter.com/04M8tSXtwG
— Recep Tayyip Erdoğan (@RTErdogan) July 9, 2024
Министерот за транспорт и инфраструктура Абдулкадир Уралоглу рече дека првиот сигнал од Турксат 6А бил примен 67 минути по лансирањето, како што било планирано, додавајќи дека сателитот ќе ја прошири способноста за гледање турски содржини на 5 милијарди луѓе.
„Ќе ги доведеме нашите сопствени комуникации, нашите телевизиски емисии на побезбедно, подобро ниво“, рече тој, објаснувајќи дека Турксат 6А сега ќе овозможи содржината од Турција да стигне до Индија, Индонезија, Малезија и Тајланд.
Турција и претходно лансираше сателити со помош на ракети од Спејс Икс.
Уралоглу вели дека Турксат 6А е резултат на 10-годишниот напор за производство на сателитот во Турција, што ја прави земјата една од 11-те земји што го направија тоа, додава тој.
