Трами, локално познат како Кристин, донесе силен дожд на главниот остров Лузон, предизвикувајќи големи поплави и лизгање на земјиштето. Со максимална брзина на ветер од 95 км/ч, бурата се движи кон запад низ планинскиот северен регион Кордилера кон Јужното Кинеско Море, соопшти државната метеоролошка агенција.
Во некои северни провинции се издадени предупредувања за обилни до интензивни врнежи од дожд, поплави, лизгање на земјиштето и невреме.
Повеќето од жртвите од невремето се должат на давење и лизгање на земјиштето во централниот регион Бикол, вклучувајќи го и градот Нага, каде што утринава беа пријавени 14 мртви, соопштија властите. Владата нареди затворање на бизниси и училишта на патот на невремето во пресрет на силен дожд и поплави.
Повеќе од 163.000 луѓе се засолниле во центрите за евакуација, соопшти канцеларијата за цивилна одбрана, повеќето од нив биле во Бикол, кои ги напуштиле своите домови откако водата од поплавите стигнале до покривите. Регулаторот за цивилна авијација во четвртокот соопшти дека поради невремето се откажани десетина летови низ земјата.
Централната банка втор ден по ред откажа тргување со девизи и монетарното работење. На Филипините обично се забележуваат просечно 20 тропски бури годишно, што често резултира со обилни дождови, силни ветришта и смртоносни лизгања на земјиштето.
