Тензиите меѓу Иран и Израел се на високо ниво бидејќи Израел ги разгледува опциите како да одговори на нападот со балистички ракети на Техеран, кој Иран го изврши во вторникот како одговор на воената акција на Израел во Либан.
Бајден претходно рече дека доколку тој е на местото на Израел, „ќе размисли за алтернативите за гаѓање на иранските нафтени постројки“, додавајќи дека Израел сè уште не одлучил како ќе го изведе контранападот и дека сè уште за тоа се „расправа“.
Трамп подоцна го критикуваше Бајден во Северна Каролина и отиде чекор подалеку, сугерирајќи дека Израел прво треба да ја „гаѓа нуклеарната“ инфраструктура, а за останатото „подоцна да се грижи“, пренесе агенцијата Франс прес.
