„Томи и неговото братче беа оставени на улица како мали бебиња, а нашиот колега Александар ги згрижи и ги чуваше додека не навршија 7 месечна возраст. Неговото братче имаше среќа да се вдоми брзо, а Томи остана со нас долго време, па така и стана наш миленик.
Томи секојдневно не смееше и ни го правеше денот поубав, немаше столче каде што тој не седеше и на сите состаноци беше најгласен со неговото крчење. Секој што доаѓаше во Лајка веднаш се вљубуваше во него, едноставно пленеше со неговите очи и интересен карактер.
Томи го испративме со многу солзи, иако уште зборуваме како ни фали, ние сме пресреќни што сега има свој дом и фамилија, кои премногу го сакаат.
Ти ја посакуваме целата среќа на овој свет Томи, ти посакуваме долг и среќен живот со својата фамилија, а ние ќе чекаме нови фотогарфии од твоите авантури“, се вели во информацијата на скопското претпријатие.
