„Денеска околу 12.30 часот, по добиено известување од Центарот за управување со кризи дека е исчезнат пожарникар ангажиран во гасење на пожар во село Селце, општина Штип, хеликоптер бел 412 од хеликоптерската единица за полициски намени при Одделот за воздухопловни единици и алпинистички тим од САЕ Тигар полета и се вклучи во потрага по исчезнатиот пожарникар. Во 13.30 часот лицето е лоцирано на непристапен терен, по што е изведена крајно сложена акција, при што е спуштена алпинистичка екипа на САЕ Тигар со витло и лицето е безбедно пренесено на безбедна локација“, информира МВР.
Командираот на штипските пожарникари, Дарко Коцев, попладнево изјави дека пожарникарот кој беше извлечен од планината Серта се чувствува добро но дека го прегледуваат лекари од итнтата помош за да ја утврдат неговата здравствена состојба.
Коцев информира дека на пожарникарот, кој има над дваесетгодишно работно искуство, трагата му се загубила утринава околу 9.30 часот. Во потрагата се вклучиле 15 негови колеги, полициски хеликоптер и ловџии.
Командирот нагласи дека пожарот на Серта е раширен на 50 хектари и дека со гаснењето веројатно ќе се продолжи и утре.
