„Епилогот од парламентарните избори ја делегитимира политичката волја на Албанците, а застапеноста во извршната власт е понижена како никогаш досега, но ДПА ќе продолжи со својата политичката активност како конструктивна опозиција, со цел да продолжи да се грижи за националните и стратешки интереси.
Согласно на последните случувања и сериозната политичка ситуација во земјата, сметаме дека Европскиот фронт останува единствената легитимна албанска коалиција – бранител на интересите и правата на Албанците, па затоа, ДПА како најстара албанска партија, која има докажано дека ги унапредува позициите и правата на Албанците, ќе продолжи соработката со Европскиот фронт“, се вели во заклучоците од состанокот и се додава дека ДПА многу внимателно ќе ги следи случувањата поврзани со евроинтеграцискиот пат на земјата.
