Две лица загинаа, 22 се повредени, од кои двајца во критична состојба, откако брод за обука на мексиканската морнарица удри во Бруклинскиот мост во Њујорк, изјави утринава градоначалникот Ерик Адамс.
Адамс на платформата Икс изјави дека три од јарболите на бродот биле оштетени минатата ноќ кога бродот удрил во мостот поради механички дефект, објави Ен-би-си њуз.
🇺🇸🇲🇽 | ÚLTIMA HORA — Suben a 35 los heridos, 16 de ellos graves, tras el choque del buque Cuauhtémoc de la Armada mexicana contra el puente de Brooklyn. pic.twitter.com/tVnVWoijxq
— UHN Plus (@UHN_Plus) May 18, 2025
Нуркачи ја истражуваат областа околу мостот како превентивна мерка, соопштија претходно три полициски извори.
Комесарот за транспорт на градот Њујорк, Иданис Родригез, изјави дека раководителот на одделот за мостови е на лице место и дека прелиминарната проценка заклучила дека нема знаци на поголема штета.
Адамс изјави дека мостот е отворен за сообраќај.
Бродот, на кој имало 277 лица, се движел кон Исланд.
Американската крајбрежна стража соопшти дека бродот ги изгубил врвовите на два јарбола, но дека сите членови на екипажот се пронајдени. Повредените биле пренесени во болница.
Мексиканската морнарица потврди дека бродот е оштетен и дека инцидентот се истражува.
