Израел вчера бомбардираше бегалски камп, кој е еден од осумте најголеми бегалски кампови во Појасот Газа. Во нападот загинаа десетици луѓе.
„Трчав како луд низ областа. Го најдов моето семејство на безбедно, но глетката беше ужасна“, рекол Ал Асвад за Си-ен-ен по телефон од Појасот Газа.
An Israeli air strike has hit the densely-populated Jabalya refugee camp in northern Gaza, Israel Defense Forces confirm. Now, at least 50 people are dead and another 150 wounded, local health authorities say. pic.twitter.com/t0AWEkaUHu
— VICE News (@VICENews) October 31, 2023
„Деца носеа други повредени деца“
„Децата носеа други повредени деца и трчаа, а воздухот го исполнуваше сива прашина. Тела висеа од урнатините, многу од нив непрепознатливи. Некои крвавеа, а други беа изгорени“, рече тој.
Тој рече дека повеќето од неговите роднини живеат во оваа област, како и многу прогонети што дошле таму. Погодената област била толку жешка што си ги изгорел нозете, рече тој.
„Луѓето беа хистерични, повеќе од 40 куќи беа целосно уништени. Жените врескаа. Не знаеја дали треба да плачат по децата или да трчаат да ги бараат, особено што многу деца си играа во соседството“, рекол сведокот.
Ал Асвад вели дека претходно добил обука за цивилна одбрана и за болничар за да може да помогне во спасувањето на луѓето.
„Повредените луѓе се обидоа да ги носат своите најблиски и да ги однесат во амбулантните возила, без разлика дали се мртви или тешко повредени. Други ги користеа своите магарешки коли за да ги однесат повредените во болниците“, вели Ал Асвад.
