„Чест ни е што, академскиот сликар Сергеј Андреевски ја прифати нашата покана за изложба со избор негови дела, кои што ќе го означат неговиот креативен и професионален развој, како реномиран уметник и македонски амбасадор на уметноста, културата, историјата, сė она што е одлика на македонските вредности и убавини“, вели директорката на библиотеката МоникаТалеска и додава дека тоа е соодветен начин за одбележување на 82 години по почетокот на антифашистичката борба и 32 години од независноста на Македонија.
Како што информира Талеска, во рамките на овој настан тројца актери од прилепскиот театар: Даниела Иваноска, Наташа Наумоска и Димитар Ѓорѓиевски ќе рецитираат избор поезија од Петре М. Андреевски и од Светлана Христова – Јоциќ.
„Современите битки се водат со промоција на модерно културно ‘оружје’, уметност, песна, оро, храна, вино … Оттука за време на настанот ќе бидат дегустирани и вина од наша македонска винарија, со цел промоција на нашата винска култура и поддршка на бизнис секторот“, вели Талеска.
