недела, 14 јули 2024

Шпанија ја помина Грузија и закажа мега пресметка со Германија

Шпанија со убедливи 4-1 ја совлада Грузија и се пласира меѓу осумте најдобри на Европското првенство. Грузијците го завршија историското учество на континенталниот турнир.

Објавено на

часот

Сподели

Шпанците доминираа уште од самиот почеток, но Грузија прва дојде до водство. Во 18. минута Ле Норманд си постигна автогол за водство од 1-0.

Тој резултат беше актуелен до 39. минута кога Родри постигна гол за израмнување на 1-1. Со тој резултат се замина на полувремето.

По шест минути игра во вториот дел, по асистенција од Јамал, Фабио Руиз постигна гол за комплетен пресврт и водство на Шпанија од 2-1.

Во 31. минута Нико Вилијамс даде убав гол по една соло акција за предност од 3-1. Тука веќе беше јасно кој оди понатаму.

Точка на мечот стави Дани Олмо во 83. минута со убаво пласиран удар за конечни 4-1.

Шпанија во четвртфиналето ќе има мега пресметка против домаќинот Германија. Грузија може да биде задоволна од настапот на Европското првенство бидејќи ги надмина сите очекувања.

ТОП ВЕСТИ

ПОСЛЕДНИ ВЕСТИ