Пјонгјанг на 27 јули ќе ја прослави 70-годишнината од потпишувањето на примирјето во Корејската војна од 1953 година, со кое завршија отворените непријателства и се одбележува како Ден на победата на Северна Кореја.
Руската национална химна се слушаше на меѓународниот аеродром во Пјонгјанг, кој беше „завиен во атмосфера на топло добредојде“ за да го поздрави Шојгу вечерта на 25 јули, соопшти Корејската централна новинска агенција.
„Официјалната церемонија на пречек на руската делегација се одржа на меѓународниот аеродром Сунан со учество на четата на почесната гарда на Корејската народна армија“, се вели во соопштението на руското Министерство за одбрана.
?? Russian military delegation led by Shoigu arrived in North Korea
The footage shows the ceremony of officially welcoming Shoigu to the DPRK with the participation of a guard of honor company of the Korean People’s Army.
The visit is timed to coincide with commemorative events… pic.twitter.com/vWlDLx56xy
— Zlatti71 (@djuric_zlatko) July 26, 2023
Северна Кореја ја затвори својата граница на почетокот на 2020 година за сите трговски и дипломатски размени, дури и со главните економски и политички партнери Кина и Русија. Државните медиуми не кажаа дали посетите на официјални лица од тие земји ќе означат некаква промена во политиката.
Кина во понеделникот објави дека „строго“ ги спроведува санкциите на ОН за Северна Кореја, одговарајќи на писмото од групата Г7, Европската унија и други кои го повикаа Пекинг да го спречи Пјонгјанг да ги заобиколува санкциите користејќи ги кинеските води.
Соединетите Американски Држави ја обвинија Северна Кореја дека ѝ дава воена помош на Русија за нејзината војна во Украина, што и Пјонгјанг и Москва го негираат.
