недела, 14 јули 2024

САД не очекуваат промена во политиката од Иран под нов претседател

Соединетите Држави во понеделникот соопштија дека не очекуваат промена во политиката на Иран откако гласачите во таа земја го избраа кандидатот на реформистите Масуд Пезешкијан.

Епа

Објавено на

часот

Сподели

„Не очекуваме овие избори да доведат до фундаментална промена во насоката на Иран или неговата политика“, изјави за новинарите портпаролот на Стејт департментот Метју Милер.

Милер рече дека врховниот водач ајатолахот Али Хамнеи се очекува да зборува во име на Иран, противник на САД од Исламската револуција во 1979 година.

„Очигледно, доколку новиот претседател има овластување да преземе чекори за ограничување на иранската нуклеарна програма, да го запре финансирањето на тероризмот, да ги запре дестабилизирачките активности во регионот, тоа би биле чекори што ќе ги поздравиме“, изјави Милер. „Но, непотребно е да се каже, немаме очекувања дека тоа ќе се случи“, додаде тој.

Запрашан дали САД воопшто се подготвени повторно да го отворат дипломатскиот дијалог со Иран по изборот на Пезешкијан, Милер рече: „Отсекогаш сме велеле дека дипломатијата е најефективниот начин да се постигне ефективно, одржливо решение за иранската нуклеарна програма“.

Од друга страна, портпаролот на Советот за национална безбедност на Белата куќа, Џон Кирби, на прашањето дали САД се подготвени да ги продолжат нуклеарните преговори со Иран, решително одговори: „Не“.

„Ќе видиме што сака да направи, но не очекуваме какви било промени во однесувањето на Иран“, изјави Кирби.

Претседателот Џо Бајден ја презеде функцијата во 2021 година, надевајќи се дека ќе се врати на иранскиот нуклеарен договор од 2015 година, за кој преговараше поранешниот претседател Барак Обама и беше отфрлен од неговиот наследник, Доналд Трамп, кој воведе опсежни санкции кон Иран.

Разговорите, кои се водеа преку Европската Унија, делумно се заглавени поради спорот околу степенот до кој САД ќе ги укинат санкциите кон Иран.

Односите дополнително се влошија по нападот на 7 октомври врз Израел од страна на Хамас, кој се смета за терористичка организација од страна на САД и ЕУ и е поддржана од Иран.

ТОП ВЕСТИ

ПОСЛЕДНИ ВЕСТИ