недела, 21 јули 2024
Продолжуваат испораките запрени поради операциите во Рафа

САД испраќаат стотици бомби во Израел

САД се согласија да испратат стотици бомби од 225 килограми во Израел, пратката која беше запрена од администрацијата на американскиот претседател Џозеф Бајден поради загриженоста за израелските воени операции во јужниот град Рафах во Газа, соопштија тројца американски официјални претставници.

Епа

Објавено на

часот

Сподели

Бајден во мај објави дека нема да го снабдува Израел со офанзивно оружје, кое би можело да се користи за сеопфатен напад врз Рафа, поради загриженост за судбината на стотици илјади цивили кои се засолниле таму од конфликтот на друго место во Газа.

Белата куќа тогаш објави дека ја одложува испораката на 1.800 поголеми бомби од 900 килограми и 1.700 релативно помали бомби од 225 килограми поради загриженоста на претседателот, пренесува Асошиејтед прес.

Официјалните лица, кои не беа овластени да даваат официјални изјави на оваа тема и побараа да останат анонимни, рекоа дека администрацијата на Бајден е позагрижена за употребата на поголеми бомби и неодамна се согласи да го исполни барањето на Израел за испорака на бомбите тешки 225 килограми.

Соединетите држави сè уште ги чуваат бомбите од 900 килограми, рекоа официјалните лица, еден од нив објаснува дека САД остануваат загрижени за тоа како бомбите би можеле да се користат во Газа.

Другиот претставник рече дека испораката на полесни бомби сè уште се обработува и дека сè уште не пристигнала во Израел, кој вели дека скоро ги поразил силите на Хамас во Рафа по два месеци борби во градот.

ТОП ВЕСТИ

ПОСЛЕДНИ ВЕСТИ