недела, 14 јули 2024

Сѐ повеќе македонски државјани патуваат во Албанија

Во првите пет месеци од годинава, на граничниот премин Блато на македонско-албанската граница кај Дебар, забележана е поголема фреквенција на патници за 14 отсто, споредено со истиот период минатата година.

Објавено на

часот

Сподели

Во овој период, според надлежните, биле регистрирани 303.648 граѓани за  влез и излез, наспроти 2023 година, кога имало 266.311 патници.

Пуштањето во употреба на автопатот „Патот на Арбр“ услови зголемување на фреквенцијата на овој премин, бидејќи оддалеченоста од преминот до Тирана, сега изнесува 70 километри или помалку за над 100 километри.

Покрај жителите на поширокиот дебарски регион, преминот го користат и жители од Гостивар, Тетово, Скопје и други градови за патување во Албанија, главно поради туризам, бизнис и посета на роднини.

Исто така сѐ поголем број македонски државјани ги користат услугите на меѓународниот аеродром во Тирана, од каде моментно може да се патува на повеќе од 100 дестинации.

Последно објавените бројки  потврдуваат дека само во јануари и февруари над 10 илјади македонски државјани пристигнале или отпатувале кон некоја од многубројните дестинации од овој аеродром.

Надлежните велат дека имајќи го во предвид фактот дека голем број македонски граѓани за летен одмор одбираат некое туристичко место на албанското крајбрежје (годишно летуваат над 300 илјади) како и пристигнувањето на иселениците, летово фреквенцијата повеќе од сигурно е дека ќе се зголемува.

ТОП ВЕСТИ

ПОСЛЕДНИ ВЕСТИ