Руски беспилотни летала погодија цивилни цели и предизвикаа пожар рано утрово во и околу Харков, вториот по големина град во Украина, соопштија властите, но засега нема информации за жртви.
Шефот на регионот Харков, Олех Синехубов, на Телеграм напиша дека нападите по полноќ биле насочени кон цивилната инфраструктура во градот на украинскиот североисток и дека погодиле и еден локалитет во регионот.
Градоначалникот на Харков, Ихор Терехов, рече дека пожарот се става под контрола, без да објасни.
Предупредувањето за воздушен напад во Харков и другите централни региони било укинато 90 минути по првичните извештаи, а нема дополнителни информации за ситуацијата на теренот.
Предупредувањата останаа во сила во регионите на западот, а украинските воздухопловни сили соопштија дека руски беспилотни летала се во воздух во три региони.
Максим Козицки, гувернер на регионот Лавов, на границата со Полска, рече дека биле активни противвоздушните единици.