На прашањето дали Путин добро или лошо ја работи својата работа, 77 отсто од Русите одговориле дека добро ја работи, околу 12 отсто мислат дека лошо ја работи, а исто толку не можеле да дадат одговор на прашањето.
На Путин му веруваат 76 отсто од Русите, 15 отсто велат дека не му веруваат, а 9 отсто не одговориле на прашањето, се наведува во резултатите на анкетата.
Анкетата била спроведена од 2 до 4 јуни меѓу граѓани постари од 18 години. Методата на анкетирањето е интервју на адресата на живеење на анкетираните.
Примерокот се состоел од 1.500 анкетирани од 104 градски и рурални населби. Статистичката грешка не надминува 3,6 отсто, се наведува.
Фондацијата на јавното мислење е руска непрофитна организација која се бави со истражување на јавното мислење. Главни клиенти ѝ се кабинетот на претседателот на Руската Федерација, владата на Руската Федерација, Централната банка на Русија и Газпром.
