„Повеќе од 180.000 припадници на руските трупи се распоредени во зоната на одговорност на силите на Источната група, на Лиманско-Купјанскиот фронт. Овој фронт е подолг, поради што непријателот таму ги концентрира своите сили“, изјави Серхи Череватиј, портпарол на источната групација на украинските вооружени сили, пренесе Си-ен-ен.
Во интервју за украинските медиуми во понеделникот, Череватиј додаде дека „повеќе од 120.000 непријателски војници“ во моментов се во правец на Лиман-Купјанск.
Тој рече дека новите распоредувања на војската вклучуваат „воздушно-јуришни и механизирани единици, единици на резервниот систем БАРС, територијални сили и нови јуришни чети „Сторм З“, кои, како што рече, регрутираат и лица со криминални досиеја.
Градовите Лиман и Купјанск се наоѓаат на околу 100 километри северно од Бахмут на источниот фронт на Украина.
Череватиј рече дека има околу 50.000 руски војници на фронтот кај Бахмут.