Републиканците го освоија Претставничкиот дом по победата во Аризона и Калифорнија, добивајќи ги потребните 218 места за да обезбедат мнозинство.
Конгресот под контрола на републиканците ќе му овозможи на Трамп брзо да го пополни својот кабинет и другите главни улоги во врвната администрација и да ја развие својата агенда најмалку во следните две години.
Ова претставува силен удар за демократите, кои сега практично нема да имаат контрола над Трамп, човекот на кој во кампањата предупредуваа дека е „закана за демократијата, екстремист и фашист“.
Републиканците сега ја имаат контролата врз Белата куќа, Сенатот и Претставничкиот дом, што им овозможува да ја спроведат агендата на Трамп.
