„Невремето придружено со силни грмежи започна во неделата околу 20 часот и траеше до понеделникот рано наутро. Во областа Задар падна дожд како во половина Хрватска, а вчера по 14 часот беше забележан најсилниот удар на југо – 25,5 метри во секунда, што одговара на брзина од околу 98 километри на час“, додаде тој.
Поплавени се речиси сите делови на Задар, најмногу западниот дел на градот, а пожарникарите имале 21 интервенција во текот на ноќта и 12 во утринските часови.
„Повеќето од подрумите, гаражите и приземните станбени простори беа испумпани, автомобилите останаа во вода, а интервенции имавме и во Задар, Кожин, Дикл и Петрчани, на островот Угљан, во Нин и Ражанац“, рече противпожарниот началник Матеј Рудиќ.
Тој посочи дека поради големиот број интервенции, била ангажирана и Државната интервентна единица Задар за помош на пожарникарите на Јавната противпожарна единица Задар, а доброволни противпожарни бригади интервенирале и во други делови од округот.
Во Нин еден брод завршил насукан на улица.
➡ Nevrijeme praćeno jakim vjetrom i obilnim padalinama zahvatilo je jučer područje Zadarske, Šibensko-kninske i Primorsko-goranske županije. Više pročitajte 🔗 https://t.co/CF1UARRF1J pic.twitter.com/0tb1NcB60d
— Ravnateljstvo civilne zaštite MUP-RH (@RavnateljstvoCZ) March 11, 2024
Сè уште е во прекин траектната линија Биоград – Ткон на островот Пашман, а патниците и возилата се пренасочуваат на линијата Задар (Гаженица) – Преко на островот Угљан.